«Сығалап қарадың сен маған, терезесінен табыттың»
Жақында компымды жөндетіп, форматтағанда жадынан сенің әндерің кетіп қалып еді. Енді, өзің кетіп қалдың. Өзің айтқандай: «…ұйықтап кетсем бір күні оянбай қалам». Сенің де бір күні өлетінін білдік қой, әрі қалай еткенде де ол қазаның өкінішті болатынын да… Бірақ, сені ақтық сапарға шығарып салғанша сенер-сенбесімді білмейтін үрей мен үміт аралас күйде болдым…
Тулағанда Тұран далаға сыймай кететіндей толағай тұрпатты Табыл едің, енді, қуықтай қабірде, «лақаттан лақытырып бөркіңді» төмпешік қана боп қалдың. «Обаны адыр, адырларды төбе деп, төбелерді тау деседі біздің ел». Ал, таулар алыстаған сайын биіктей береді ғой.
Мәңгілік деген сөзді сақ қолданатын ең, біздің де айтарымыз сол ғой: әрі кетсе, жани жадымыз форматталмағанша есімізде боларсың, одан арғысын… өзің білесің ғой.
Дабай, Аға, кездескенше!
Жақсы ағаның жаны жаннатта болсын…
Нұрберген, бұл кісінің өлеңдерін қайдан тапса болады, ол жағынан хабарың бар ма?
qisyq
Қазан 18, 2010 at 11:34 тк
Иә, жаны жаннатта болсын. Мен тек 19 әнін тауып «Жастарға» салып едім, басқа әндерін таба алмадым. Индерлік жігіттерден де сұрап ештеңе бітіре алмадым. Жеке жинақ болып шыққандары да жоқ па екен?
Қосақ
Қазан 19, 2010 at 1:31 тд
Жаны жұмақта болсын ағамыздың!
vkototy
Қазан 19, 2010 at 4:06 тк
Иманды болсын! Өлеңдері жүрек шымырлатады. Жеке жинақ болып шықпағаны ма сонда? Мүмкін бір блог ашып, сол жаққа сол кісі туралы мәліметтерді топтастыра бастасақ, қалай болар еді… әйтеуір іздеген адамдар қажеттісін сол жерден табар еді.
urimtal
Қазан 19, 2010 at 5:21 тк
жақсы идея…сол кісінің жеке блогы ретінде ашса, ия!?
qisyq
Қазан 19, 2010 at 6:59 тк
Иә, жақсы идея екен. Бұрынырақта «Жанарымның жарқылы» деген кітабы шықты деуші еді, аз тиражбен шыққан болуы керек, кімде бар екен? Сканерлеп салып қойсақ.
Қосақ
Қазан 19, 2010 at 9:50 тк